12/20/2019

小妹去咗屯門嗇色園主辦可祥護理安老院擺檔,
為屯門街坊同老人家剪影✂️,用剪紙慢慢剪出大家嘅輪廓,
老友記都覺得呢種藝術新奇有趣,
啊知小妹有冇帶俾大家一個難忘又特別嘅星期日呢?哈哈!

可以為趣緻嘅孫仔剪影,再送俾愛錫佢嘅婆婆,
係一件有意義嘅事~❤️
好開心可以藉住今次活動,認識到多啲屯門朋友,
小妹期待下次再喺屯門出動耶~

12/15/2019

小妹係週末於Christian Louboutin (CL)海港城分店為客人大家剪出度身訂造嘅聖誕卡啊!無論係大人細路情侶都由剪影中睇到自己呢✂
多謝CL 的信任,今次做了剪人像側面之外的新嘗試,不知道大家喜不喜歡呢?大家有冇話想見到我下次剪啲咩呢?❣️
Thank you for the invitation from Christian Louboutin about the Silhouette Christmas Project as well as the appreciations from the guests ❣️ Besides the silhouette portraits, there are some other kinds of paper cuts shown. Which one do u like?

12/13/2019

【嗇色園主辦可祥護理安老院 x 日式明信片「絵手紙」工作坊🎨】

最近小妹去咗屯門嗇色園主辦可祥護理安老院,去教公公婆婆👵🏼👴🏼運用日式明信片- 繪手紙嘅方法,去畫嗇色園嘅牌坊。

恭喜你地成為咗小妹第一批嘅銀髮族傑出學生呢!💕雖然部份長者年輕嘅時候都好少畫畫,但都會帶住試試嘅心態,拎起畫筆跟住指導,一筆一畫,小心翼翼慢慢咁畫好佢。最後個個都畫得似模似樣,好犀利啊,所以仲有邊個話老人家唔識畫畫! ❤️

望住各位長者自豪咁拎住自己獨特嘅作品,再笑騎騎望吓其他老友記嘅畫,令小妹都齊齊感覺到畫畫嘅開心同成功感!☺️畫畫專注嘅過程令長者心境平靜放鬆,同時鍛煉耐性,養生怡情。我諗即使到小妹我甩曬牙嗰一日,我仍然會開心畫畫, 繼續分享創作嘅喜悅俾其他老友記,嘻嘻!🤣

-----
慧惠是土生土長的香港插畫家和藝術家,《給油麻地的情書》的作者,曾遠赴日本山梨縣河口湖,參與由MI-Lab舉辦的藝術家進駐計劃,學習木刻水印及繪製日式明信片「絵手紙」的技巧,回港後定期舉辦工作坊,與香港大眾分享日本的藝術傳統。

11/03/2019

位於南區的鴨脷洲有很多關於水上人的店舖,海味店就是其中一種,林漢記的「林漢」就是老闆的名字,都是街坊們都認識的老字號。
寫生當天就遇到老闆娘林太,她說他們扎根在南區多年,而她的女兒和她的外孫都在這裏幫手看店,店內的選擇繁多而整齊,有自家配方和包裝的湯水和粥品材料給街坊選購,並且列出其配方的功效養生,我買了其中一包回家,父親大人說這是好東西,叫我多買。
寫生的時候店舖「食正太陽」,太子女問我畫到邊,以免她用布遮住產品時擋住我畫畫的物件,實在十分窩心🌞
感謝 蒲窩青少年中心 和 i-Discover App&Map 的安排,讓我和參加者們(Tina Wong, Rex Wu, Teddy,Kathy Siu, Wendy Lai, Lydia Tsang, Denise Fung, etc.) 在「復刻南區·社區研習工作坊」認識鴨脷洲街坊人情味的一面。

05/21/2019

 明報副刊插畫

好開心小妹嘅作品可以再次喺明報度同大家見面

小妹特別鍾意今次嘅排版呢!

《天后誕辰 千人舞龍抽花炮》

列登日期:2019/5/21

「本月12日(農曆四月初八)是佛誕,當天還是另一位相傳能呼風喚雨的神祇——譚公的誕辰,小妹就見證咗今年譚公誕為筲箕灣一年一度的地區盛事,來自不同地方的善信齊集筲箕灣,參觀傳統的舞龍舞獅及巡遊表演等,更有武術團體派出高手表演武學絕技,場面熱鬧。」

全文按我


05/19/2019

好耐冇擺檔啦!感謝 Hong Kong Hands 嘅安排 同埋 Bearpark的幫忙,啱啱週末嘅 #香港插畫及文創展2019 好充實,多得有多位好友撐場(編幅有限,恕不能盡錄),同時又同新朋友交流得很暢快呢🤩

希望好快又會再見到你地啦🙋🏻‍♀️

05/13/2019

小妹👩🏻‍🎨下學期又到赤柱聖士提反書院附屬小學同同學仔一齊畫畫啦🎨!頭幾堂先會帶領同學仔畫畫學校四周環境,一定唔少得要畫吓學校無敵大海景啦🌅,小朋友想像力好豐富啊,將晴朗嘅下午畫成七彩繽紛🌈,為學校添上色彩黃昏🌇、晚上星空璀璨嘅景緻🌌,同學仔你地眼中嘅赤柱都好靚啊~

05/13/2019

感謝來自長洲郭錦記 Kwok Kam Kee的信任,今年有幸一起送予祝福~
(部分相片由郭錦記及The East提供)

✨送你祝福「#平安包😃」✨

04/26/2019

明報副刊插畫

《天后誕辰 千人舞龍抽花炮》

刊登日期: 2019年4月23日星期二

香港有不少地區都有慶祝天后誕嘅活動呢!

以上插畫是發生在元朗的盛事——每年農曆三月廿三日為天后誕,全港多區都有賀誕活動,當中以元朗十八鄉規模最大,除了抽花炮,更有盛大的會景巡遊,參與人數多達數千,吸引區內外大量市民到來參觀,政府更會配合封路。

「相傳天后本名林默,宋朝福建莆田人。出生時有祥光異香,滿月未嘗啼哭,故取名默娘。林默自幼就有神力,四五歲能知未來凶吉,13歲已精通天文地理及醫術,常為人治病。16歲時「窺井得符」,通靈變化,後更成仙,於海難中救人無數。歷代皇帝亦多有敕封,先封為天妃,後來成為我們認識的天后娘娘。」


全文按我

04/20/2019

【 慧惠 X HK Artion 與香港城市畫家對話 】

多謝HK Artion HK ARTION 嘅訪問❤,片段裏面採訪咗三位畫城市風景嘅香港畫家,分別係小妹、趙綺婷 Elaine Chiu's Art、和沈平老師 ,十分高興與他們隔空交流,而影片內容表達咗我一直多年以來堅持畫小店嘅少少感想💭:

小妹我鍾意畫畫,亦特別鍾意畫小店,原因係真人真事嘅故仔令我好動容😍,例如係小店老闆點樣工作?啲熟客係咩人?佢地點樣互動?老闆點解會有咁心堅持咁多年?如果我可以用畫畫去表達以上事情,對社區會係一個好嘅交代同記錄,同時可以磨練畫畫嘅收養。

對於老店嘅消失,小妹覺得好遺憾😞,呢種唏噓情緒亦成為咗我要繼續去畫小店嘅動力。當深水埗信興酒樓宣布結業,亦係我最後一次用畫畫記錄低佢,但因此與老闆成為朋友,至今仍保持聯絡呢☺

以畫會友👋🏼👋🏼嘅寫生過程令我好開心,表面上係一個畫畫活動,其實係一個同街坊、社區好好嘅互動,從街坊嘅口中亦能夠最確切咁了解到一個地方最真實嘅事。