HK Artion 與香港城市畫家對話 X 慧惠

【 慧惠 X HK Artion 與香港城市畫家對話 】 多謝HK Artion HK ARTION 嘅訪問❤，片段裏面採訪咗三位畫城市風景嘅香港畫家，分別係小妹、趙綺婷 Elaine Chiu's Art、和沈平老師 ，十分高興與他們隔空交流，而影片內容表達咗我一直多年以來堅持畫小店嘅少少感想💭： 小妹我鍾意畫畫，亦特別鍾意畫小店，原因係真人真事嘅故仔令我好動容😍，例如係小店老闆點樣工作？啲熟客係咩人？佢地點樣互動？老闆點解會有咁心堅持咁多年？如果我可以用畫畫去表達以上事情，對社區會係一個好嘅交代同記錄，同時可以磨練畫畫嘅收養。 對於老店嘅消失，小妹覺得好遺憾😞，呢種唏噓情緒亦成為咗我要繼續去畫小店嘅動力。當深水埗信興酒樓宣布結業，亦係我最後一次用畫畫記錄低佢，但因此與老闆成為朋友，至今仍保持聯絡呢☺ 以畫會友👋🏼👋🏼嘅寫生過程令我好開心，表面上係一個畫畫活動，其實係一個同街坊、社區好好嘅互動，從街坊嘅口中亦能夠最確切咁了解到一個地方最真實嘅事。