04/18/2019

【 慧惠 X 城市閘誌: 地茂館甜品 】

喺地茂館中式傳統甜品店,小妹就品嚐咗用3個鐘燉製嘅 原盅生磨杏仁蓮子百合,濃郁好味,值得推介。於是我就將這碗甜品畫喺鐵閘上面,亦希望大家多多欣賞中式糖水嘅可貴。❤

傳統糖水健康養生又滋味,美味背後有賴甜品師傅堅持選材講究、認真炮製食物:例如係白果全部都係親自剝殼去衣挑芯嘅,因為原粒白果比預先去殼去衣嗰啲來貨,味道好好多。由於糖水是自家手製,所以工夫也特別多,從浸豆、磨豆、炒芝麻、炸合桃到切芒果等,就連連隔豆渣、合桃渣所用的網袋,都係親自製作。老師傅對鋪頭多年來着緊守崗位,盡心盡力做好甜品。❤

出色甜品店嘅生意亦緣於一份家族生意嘅堅持,現時甜品店第二任老闆Judy,不忍因為無人繼承父親衣缽而要將經營了二十多年的甜品店結束,更希望能夠將中式糖水這個傳統行業傳承下去,見證着兩代人的堅持。

最後多謝Judy嘅信任,香港青年藝術協會、城市閘誌嘅安排,渣打香港150週年慈善基金嘅贊助,以及拍檔 Collinfer Collins 嘅協助。
 

04/13/2019

【 慧惠 X 城市閘誌:榮記五金 】

「由一塊不銹鋼片製成一個盆子,郭兆榮先生不需任何黏貼工具,看起來就像摺紙般。」 呢句就係小妹第一次睇住郭生揼不銹鋼片嘅感受。小妹希望將郭生工作過程畫喺鐵閘上面,籍以宣揚正失傳嘅民間工藝。

郭生(花名:大口)喺鴨脷洲威咗至少四十多年喇,由佢細細個喺鴨脷洲打交,至成為打鐵師傅,到依家擔任鴨脷洲康樂部主任。郭生為鴨脷洲社區服務數十年,街坊人人都識佢。閒時郭生中意坐喺舖頭門口同人傾計,特別會關心女街坊近況,並望住鴨脷洲小島街道發生嘅一切和人生百態。

鴨脷洲係一個有濃郁文化色彩,凝聚力強嘅社區,每年農曆二月十三日舉辦嘅鴨脷洲洪聖傳統文化節,喺2014年被列為「香港非物質文化遺產」,文化節節目包括有:接神儀式、放水燈祈福、傳統龍舟拜廟、賀誕會景巡遊、正誕日(洪聖寶誕)進廟祝壽上香祈福、賀誕神功戲、宴請紅伶晚宴、頒贈旗典禮、綜合表演晚會及送神儀式等。

最後多謝郭生嘅信任,香港青年藝術協會、城市閘誌嘅安排,渣打香港150週年慈善基金嘅贊助,以及助手青蛙嘅協助。

05/27/2018


繼上次帶同學畫麵包店的鐵閘,今次再與土瓜灣 社區客廳合作,帶領順德聯誼總會胡兆熾中學視藝科師生到正湯寶寶 (後稱「正湯」) 一起畫鐵閘。
四月首次拜訪正湯見到有一位婆婆在店內飲湯,本來以為是老闆Jason的媽媽,但其實是正湯的熟客。她很喜歡合上雙眼飲湯,因為她以前睡不好,但自從飲了正湯後,就能甜睡了,所以她現在每天放工後都來飲湯。
小妹好都鍾意飲湯,的確,在正湯中找到家的味道。
幸好在雨季來臨前將閘畫好,希望各位同學和程老師都享受這創作的過程啦!
#shutterart #hkillustrator #插畫 #hkig #有心就能畫好畫 #hongkong#hongkongers #tokwawan #土瓜灣

04/09/2018

帶領學生為小店做鐵閘創作與自行創作是兩種不同的經驗,由與陽光麵包老闆顧生顧太、 SKH Tsoi Kung Po Secondary School 聖公會蔡功譜中學中學 的視藝學生的溝通,到放手讓學生創作及從旁協助,見到她們的用心專注,和老闆滿意的笑容,真係好開心呀~
在此感謝 Him Lui @St. James' Settlement 的邀請及安排!
P.S.特別推介陽光麵包的吞拿魚包~ <3
∵ ∴ ∵ ∴ ∵ 
陽光麵包
土瓜灣庇利街28號
星期一至六6:30-20:00
逢星期日休息
∵ ∴ ∵ ∴ ∵ 
別錯過小妹的最新作品,
請將專頁設為「搶先看 see first」!
還有追蹤我的IG啊~
http://www.instagram.com/waiwai.sketches  👈
∴ ∵ ∴ ∵ ∴
#土瓜灣  #社區客廳 #waiwai #畫畫 #慧惠 #hkillustrator #插畫 #hkig #有心就能畫好畫  #shutterArt #hongkong #小香港人

01/10/2018

同利玻璃鏡業工程有限公司 

油麻地新填地街279號D和E舖

上年12月某天我與城巿閘誌 HK Urban Canvas漫遊油麻地,尋找願意交出鐵閘讓我們創作的小店,那時我們都停在同利玻璃前,抬頭打量著這裏的兩個招牌,分別是「同利玻璃」和「魚缸幕牆防水工程」,我們在想:「到底是一個鋪還是兩個鋪?」,鋪內就有一位大概30歲的青年問我們:「有咩可以幫到你哋呢?」,然後我們告訴他我們的目的,他就爽快地說:「幾時畫?聽日?」,我們都感到十分興奮,這位青年就是同利第二代老闆陳永建。

阿建的父親陳煖係第一代老闆,六年前陳煖離世,阿建為了維持同利的日常運作,本來任職健身教練,他二話不說就接管了這店,由零開始向兩位資深師傅(昌叔和林叔)學藝數年,成為現時稱職的老闆。 我探訪了同利好幾次,見到他們經常為有需要的街坊「急救」,同利經常要在短時間內做出客人要求的東西,所以他們常用簡單的工具,再配合他們的精準技藝做到「快、狠、準」,例如今次我畫的就是他們其中一種技藝叫「拉砂」,就是用一支玻璃筆和一把尺,在一塊大玻璃上拉出一條筆直的線條,然後在這線的兩邊玻璃一擘,玻璃就會一分為二了。

阿建十分敬重這兩位師傅,由於這兩位師傅已經同阿建的爸爸共事多年,性格上都變得相似,有時客人問昌叔和阿建是否兩父子,他們經常都不會否認,這種「父子」的情緣,因為玻璃而得以延續。 想親眼來看看這個鐵閘的朋友們,歡迎在店舖的關門時段來參觀(逢星期一至六晚上六點半後到翌日早上九時及星期日)。

Photo credit: HKYAF & Guillaume How-Choong

#城市閘誌 #HKUrbanCanvas #HKYAF #香港青年藝術協會 #StandardCharteredHK #渣打香港150週年慈善基金 #hkillustrator #插畫 #hkig #有心就能畫好畫 #hongkong #hongkongers

Please reload

Featured Posts

長洲郭錦記 x 慧惠

May 13, 2019

1/10
Please reload

Recent Posts